島波海道「瀨戶內海」最美單車遊

日本唯一「瀨戶內海」單車徑 被CNN選為世界七大騎行路線,仲俾米芝蓮旅遊指南評價為一星道路嘅島波海道,其實係連接住廣島同四國中間九座島嶼嘅大橋。 總長度可以長達77公里(亦可以縮短至20多公里),附近亦有完善嘅單車配備同租用店,係一般休閒單車或專業單車手都應該一到嘅極級單車旅遊勝地! 呢條單車徑,將廣島縣嘅尾道市同愛媛縣嘅今治市連埋一齊,穿過向島、因島、生口島(瀬戶田)、大三島、伯方島、大島六座島嶼,貫穿咗號稱日本“愛琴海”嘅瀬戶內海。景色優美當然不在話下,每座島嶼都有佢嘅歷史特色文化同埋美食。 道上嘅出租單車服務設施非常完善,公路車、山地車、休閒車、淑女車同電動輔單車都有。 路線 喺尾道開始,可依自己嘅體力,選擇唔同難度嘅路線。下圖中紅色係標準初學者路線,所有地上嘅指示路線都係呢條路線,全長大約70公里,橙色係中級路線,而藍色就係難度最高嘅路線。如果無法一口氣騎完70km,亦可以喺途中嘅幾個站租車還車,非常方便。 另外,每年10月底呢度仲會舉行3500人嘅瀨戶內島波海道國際自行車大會,想爆一爆佢都仲得! 高度 全程攀升最高都唔過100米,雖然有部份路段會比較斜,但係一般人亦應該能夠挑戰。 交通 有興趣嘅朋友可以搭飛機到廣島機場,然後搭JR到尾度站或新尾度站,喺嗰度租車。完成後喺今治站搭JR或巴士離開。如果有時間,搭船欣賞海上風景亦得! 其實大會有好詳細嘅單車旅遊小冊子,裡面有晒地圖,租車價錢,不同路線等等資料,不妨去睇下 http://www.go-shimanami.jp/download/cycling/cycling_map_hantai.pdf 至於附近亦有唔少觀光名勝,用一日踩車,其他時間周圍玩下亦係唔錯選擇。 http://www.go-shimanami.jp/ 網上亦有不少Blogger嘅遊歷,這個推介非常詳細:http://dato.tw/shimanami_1/ 圖片來自:CyclingTips.com, http://dato.tw/shimanami_1/